Os padriños e madriñas lectores desfrutaron dunha lectura mutua, de contos teatralizados e de momentos moi especiais na biblioteca.
27/04/26
HORA DE LER
O alumnado de primaria celebrou o Día do Libro cunha hora de lectura compartida ó aire libre. Foi un momento moi especial no que gozamos da compañía e das historias, creando un espazo de encontro arredor dos libros.
Pasámolo xenial compartindo lecturas!
CONTACONTOS NA SEMANA DO LIBRO
Na Semana do Libro programamos un contacontos coa compañía Trémola Teatro, titulado A nena que se comía todos os seus libros. Esta actividade formou parte do programa Lectura en Familias.
Gústanos moito recibir ás familias e compartir con vós momentos especiais arredor da lectura. Foi un pracer contar coa vosa participación!
CONTACONTOS EN SEGUNDO
En segundo tivemos un par de visitas moi especiais. Tivemos o privilexio de escoitar uns contos chulísimos por man da mamá de Eric e de Daniela.
DEGUSTACIÓN DE LIBROS EN INFANTIL
Durante a semana do libro levouse a cabo unha actividade de “Degustación de libros” co alumnado de Educación Infantil. Preparáronse seis mesas temáticas con unha coidada selección de contos e libros variados (aventuras, emocións, información, etc.).
O alumnado, organizado en pequenos grupos, foi rotando polas diferentes mesas, dispoñendo dun tempo determinado en cada unha para explorar libremente os libros. Ao rematar cada quenda, cada neno/a debía escoller o libro que máis lle gustara e sinalalo cunha pegatina.
Esta dinámica permitiu fomentar o interese pola lectura e a expresión de preferencias persoais. Como resultado final, obtívose unha selección dos libros máis valorados polo alumnado, o que ofrece información moi útil sobre os seus intereses lectores.
24/04/26
OS PAÍSES E OS XORNAIS
A clase de segundo está investigando sobre os países do mundo e descubriu que no xornal podemos atopar moitas noticias de diferentes países.
Aquí vos deixamos algunhas fotos do traballo que fixeron:
21/04/26
AS FAMILIAS SEGUEN CONTANDO
Na clase de 6ºI seguimos disfrutando das lecturas en compañía das familias.
Tivemos a visita de Fran (pai de pepe), de Laura (nai de Óliver) e Jairo (irmán de Efrén), que viñeron a contar historias de todo tipo.
Grazas a todas as familias por colaborar.
15/04/26
APRENDEMOS SOBRE BRASIL
A clase de segundo tivo unha visita moi especial, a mamá de Emanuela viu aprendernos cousas super interesantes de Brasil. Aprendemos moito!
14/04/26
12/04/26
INVESTIGANDO
Na clase dos canciños estamos investigando sobre os monumentos do mundo. Como tiñamos moita curiosidade sobre o tema fomos buscar información á biblioteca. Buscamos na nosa flor, para traballar a formación de ususarios e descubrimos que estaba na sección rosa e na branca, así que nos puxemos a buscar ata atopar libros sobre monumentos. Atopamos unha chea deles, e agora en clase, con máis calma, iremos descubrindo e que nos contan os libros.
AS FAMILIAS CONTAN EN INFANTIL
Comezamos un ano máis a actividade de fomento da lectura, "As familias contan".
Na clase de 6ºI, tivemos dúas visita, Ruth, a nai de Lucas, e Andrea, a nai de Naira, q se animaron a vir a contarnos dous contos moi especiais.
Grazas por compartir estes momentos de lectura!
10/04/26
AS FAMILIAS CONTAN
Comezamos no colexio, un ano máis, a actividade para o fomento da lectura "As familias contan".
En terceiro de primaria tivemos unha visita moi especial: a nai de Mario que veu a contarnos un conto... " Yo mataré mounstros por ti", un libro moi especial para toda a súa familia. Fálanos dos nosos medos e de como podemos superalos...
Foi un auténtico pracer escoitar a súa voz.
Moitas grazas Jeni.
En cuarto tamén tivemos unha lectura moi tenebrosa. Coñecemos diferentes vivendas moi especiais como a casa do diaño, as tumbas e os inglús.
Moitas grazas Bea por compartir este libro con nós.
09/04/26
08/04/26
CLUB DE LECTURA DE FAMILIAS
O vindeiro luns teremos unha nova xuntanza do club de lectura de familias. Neste caso comentaremos o famoso libro de Lucía Solla Sobral, "Comerás flores".
Subscribirse a:
Publicacións (Atom)
var linkwithin_site_id = 42636;
